富豪鄭裕彤旗下周大福珠寶金行爆出鹹濕主管涉嫌性騷擾及非禮女下屬醜聞。大埔一名女職員聲稱遭新紮分店一名主管半年來多次利用上司身份，為兩人製造獨處機會，肆意以猥褻說話騷擾；後來更變本加厲，甚至趁女職員在櫃枱推銷時，故意坐近並以大腿磨蹭女事主的大腿。女事主上月底辭職，並向公司及平等機會委員會投訴。涉事主管否認性騷擾，並反指是女事主不堪工作受批評而辭職。
涉事大埔超級城分店，去年 12月開張，該主管約 40歲，由其他分店調至，並升任主管，同時遇到從上水分店調至的 20多歲姓黃女事主。黃小姐表示，最初幾個月感覺他平易近人，不過自 3月起，感覺到他對自己的態度特別奇怪：「成日都話約我放工去食飯、飲酒，仲話有『下場』，話我都知係咩㗎啦！」黃小姐初時覺得他開玩笑，就婉轉地拒絕，不料他越來越露骨：「你得閒俾我搞吓啦，我真係好得㗎，你一定會好回味，你試過就知㗎喇！」他還放縱到多次直接要求與她「開房」。
刻意安排一起工作
該主管更刻意安排黃小姐與自己一齊工作，經常在搬貨時，在手推車的手把上觸碰黃的手。他又不時「傳召」女事主入茶水間及店倉，製造二人獨處。「入到倉佢要企上張凳拎貨，企咗上去佢就擰過嚟，啱啱佢嗰度（下體）就對住我塊面，然後話：『你睇吓，我見到你有反應呀（指住自己下體），你想唔想摸吓？我知你想嘅！』」
黃小姐備受驚嚇，但礙於他始終是上司，只以「你唔好咁啦」、「咁樣好過份呀」等說話表達抗拒。上司持續的騷擾令她對上班感到恐懼：「間舖係得咁大，根本無得避，佢叫你做嘢，你無得唔照做。」心理壓力令她幾乎每天以淚洗面，更影響到健康，導致失眠、沒胃口，甚至兩、三個月沒有月經，醫生都表示是壓力所致。黃小姐的家人和男友均勸她辭職，但她希望捱到年終取得花紅才離開，知情的同事則不時借故找她幫忙，避免主管再與她有獨處的機會。
不過到 8月，該主管的猥褻行為再升級，趁與黃小姐一起在櫃枱向客人推銷時，故意推開她的腰包，然後坐近以大腿磨蹭她的大腿。黃小姐頓感羞辱，但因為正在向客人推銷而未有出聲。這樣的非禮發生了不下十次，令黃小姐的情緒幾近崩潰，感到難以再忍受，終於在上月 20日自付代通知金即日辭職，並向公司區域經理及人事部投訴。不過，至昨日周大福只稱已交律師行調查。
另一名曾在該分店工作並已離職的女員工表示，該主管動輒就向下屬破口大罵，「有時開唔到單，佢就話我哋『全部都係垃圾，應該拎晒去人道毀滅』！」遭性騷擾的黃小姐亦曾被罵到哭，他還說：「唔該你控制吓自己情緒，唔係人哋以為我哋周大福虐畜！」六位員工已不堪侮辱先後離職。
該前女員工又指，雖未親睹他的非禮行為，但經常見他「傳召」黃小姐入茶水間，黃亦有向她哭訴遭遇。
記者到該周大福分店，涉事主管如常上班，他對指控一概否認，「我做咗二十幾年，絕對無（性騷擾及非禮）！嗰次係有工作上嘅嘢我話過佢，跟住佢就唔開心咁喊，之後就辭咗職，可能佢比較新，唔習慣俾上司話，我都唔明佢點解要咁話我」。他亦否認曾辱罵員工導致多人辭職：「係個別新人唔適應零售業，根本唔關事！」周大福表示了解事件並正進行調查。
黃小姐也已向平機會投訴。平機會發言人表示不評論個別個案。律師梁永鏗表示，性騷擾受害人可以透過平機會向騷擾者發警告信及索償；如果公司了解事件但拒絕處理，受害人同樣可以以《性別歧視條例》向公司追討。
被指性騷擾主管變態語錄
《責罵》
•大量粗口辱罵
•「你哋全部都係垃圾，最好全部都拎去人道毀滅！」
•「唔該你控制吓自己情緒，唔係人哋以為我哋周大福虐畜！」
《性騷擾》
•「你鍾意喺上面定下面呀？」
•「如果我好有錢，我一定包起你！」
•「等我滋潤吓你啦，試完包你跑數都勁啲！」
•「幾時出去飲酒呀？飲完跟住有『下場』，你都知係咩㗎啦！」
•「你得閒俾我搞吓啦，我真係好得㗎，你一定會好回味，你試過就知㗎喇！」
•「你睇吓，我見到你有反應呀（指住自己下體），你想唔想摸吓？我知你想嘅！」
