拯救者行動於上月 25及 26日連續兩日突擊搜查 89間夜場，帶走 113名未成年男女，至本月 18日，行動再帶走 152名未成年男女。行動目的是打擊未成年男女流連酒吧，再將個案轉交社工跟進。根據法例，任何人不可賣酒予 18歲以下人士，而領有酒牌場所均不能容許 18歲以下人士飲酒，違者可判罰款 5萬及監禁 6個月。 尖沙嘴漆咸道南嘉芙中心亦在掃蕩之列，該大廈連地庫共 18層，大部份為酒吧，警方上月底拯救者行動中，便在該大廈帶走 40多名未成年男女。大廈中層一間以「會員俱樂部」為名經營的樓上吧，每逢周五、周六晚，客人多得要預先訂枱，更有 DJ打碟，場中空間成小舞池，入場費約 200多元「任飲」，是區內出了名的「o靚妹場」。
警叫負責人「搞掂佢」
至深夜 11時半，十多名便衣探員上門查牌，又逐一查青少年身份證。有探員盤問四名o靚妹，她們稱是首次幫襯，又說只是等朋友，探員回應：「第一次嚟玩唔去樓上樓下，又會識嚟度？」探員最後將身份證全部發還，未帶走任何人。15分鐘後，探員走到吧台要求見持牌人，燕子說持牌人病倒不在場，探員即質問：「係病咗定係驚咗我哋呀？知唔知有啲唔應該響度嘅人響度？」探員又說：「半個鐘頭之後我哋會再返嚟，我要見到持牌人響度，你同我搞掂佢！」即收隊離場。
「未夠秤嘅落去一陣先」
記者凌晨 4時許離開，不少o靚仔o靚妹仍在樓下聚集，有人更在路邊「劏白鶴」，醜態百出，據說爭女打架更是家常便飯，故長期有警車泊在附近戒備。記者翌日才得悉，當晚警方曾在區內展開拯救者行動，但嘉芙中心卻沒被掃場。
流連夜場 易遇性罪行
須認清潛在危機
李說，樓上吧吸引青少年的原因未必與酒精有關，「呢啲 bar唔賣酒都一樣可以吸引佢哋（青少年）嚟，原因係入面嘅氣氛同 disco差唔多。」她說，警方行動能對平日較少夜蒲的年輕人起阻嚇作用，「好多年輕人都係貪新鮮或者好奇，或者只係諗住同班朋友玩，好多都唔了解呢啲場所會有問題或者有罪行發生緊」。她建議青少年選擇娛樂場所時不應只因朋輩壓力作決定，「要有意識認清楚呢啲場所嘅潛在危機，喺面對罪行嘅時候亦要有自制能力。」
夜蒲女：有得飲就來者不拒
16歲的阿 Pat居於新界，在尖沙嘴夜蒲了兩、三年，是o靚妹場常客，「我鍾意尖沙嘴，啲人無中環咁扮嘢」。她中二輟學，曾因多次離家出走而被送入監管院舍。她自言自己「好飲得」，但沒錢，只要有人請就來者不拒，「嘔完之後再飲囉……去玩好多時都唔使畀錢，例如有啲地方有 Ladies' Night、仲有男仔請。」她笑言遇到警方查牌她都能夠逃脫，「如果查牌會有人大叫『查牌呀！落去先！』，聽到咪走囉，一陣再返上去。」
「宜家搞嘢好平常啫」
17歲的阿 Wing中三輟學，現當售貨員，「一星期蒲五晚」。她說：「做嘢咁悶，響屋企又悶，唔蒲會悶死。」她說：「入唔到場嘅話，打個電話就解決到……通常入到場就可以任飲。」 Wing自言飲醉了會「斷片」，「唔知有冇俾人抽水㗎，都知道有啲 friend會俾人帶上房……家搞嘢好平常啫。」她自認有索 K習慣，「啲仔一般都有響身，又或者問睇場攞」。
「蒲齡」不淺， Wing自然也遇過警方查牌，「一般差人上嚟之前都會知，有時見到有人傳 SMS……到時就會揳啲毒品響梳化罅或者黐響枱底。」她說，就算被警方帶回差館，要父母接走，很多蒲友也不怕，「佢哋父母都唔係好理，有家長更同仔女講：『下次唔好咁蠢畀人捉到喇』。」
