台灣花名冊鬧得熱哄哄，茶餘飯後多個話題而已，實際上資訊發達年代無人會覺得這類新聞有何驚奇。有錢人食女唔通走去旺角佐敦？打開電視手一指： 就呢件喇！對凡夫俗子來說，這才能體現金錢財富帶來的快感。
朋友圈中有個金融大富貴，樣貌平平，氣宇軒昂no way，某日電視裡出現一個美麗女孩，一見鐘情，但人到了某個年紀總會有自知之明，捧扎花走去電視台溝女，只落得貽笑大方，不過有錢就能任性，冇錢嘅人係唔會明的。朋友為嚐回初戀感覺，一於透過中介，直接約佳人出來行街食飯唱K直落執劑，埋單包日計5萬未計食飯濕平買包包 - no problem，這個價不過係未紅時，我估依家起碼20個開。一個月入三幾萬的打工仔當然覺得倒錢落海，但對家財萬貫來說尤如唱次K，但換來一日溫柔香，就值回票價。
